Llegalmente ye un drechu que’l propiu nome se rexistre n’asturianu, pero l’asturfobia reinante na administración asturiana tornó un cenciellu trámite nuna pelegrinación de seyes años pa permitir a Xicu llamase Xicu

Xicu Ilesies, de Campiellos, lleva más de cuarenta años nomándose asina. Sicasí, fasta agora, la so documentación recoyía’l nome de Francisco José Iglesias. La llexisllación diz bien nidio que l’encargáu del rexistru procederá a la inscripción de nomes y apellios en cualisquier de les llingües estatales cola comparecencia del interesáu ya’l correspondiente certificáu de la entidá llingüística correspondiente, nesti casu l’Academia de la Llingua Asturiana, requisitos cumplios dende l’entamu por esti coyán que necesitó de más d’un llustru pa conseguir un trámite que tendría de ser inmediatu. El problema, la proverbial asturfobia de les alministraciones asturianes, en concreto la negativa por parte de los xuzgaos del Valle del Nalón y de Madrid. Xicu tuvo siempres nidio onde taba el problema, y a esi respeutu declaraba en 2023, al dir a presentar la documentación al Xulgáu de Llaviana “La negativa al mio cambiu de nome respuende a prexuicios ideolóxicos, llingüísticos y sociales”.

Namás la insistencia que carauteriza a quien tien les coses clares permitió qu’algamare’l so drechu: pesi a toles negatives, Xicu tornó a solicitar el camudu de nome el pasáu mes de payares nel Rexistru Civil d’Uviéu, que resolvió positivamente la cuestión en namás quince diis.