Los grupos municipales en Tinéu de PP y VOX, cola aquiescencia del PSOE ya IU que s’abstuvieron, aprebaron en plenu la propuesta de retirada de la toponimia oficial nos cartelos de los pueblos del conceyu
Nel plenu ordinariu del cuatro d’avientu el conceyu de Tinéu insta al Principado a recuperar los nombres anteriores a la recuperación de la toponimia tradicional, oficial de magar el 2017, con una propuesta del equipu de gobiernu (PP y VOX) ante la que se abstuvieron PSOE e IU.
PP y VOX nun faen con ello más que cumplir colo anunciao, ya que nel alcuerdu de gobiernu que llevó a Monserrat Fernández a l’alcaldía ya contemplaben facer esa reclamación trimestralmente. Lo que ye reseñable nesta noticia ye l’abstención de los dos partios que supuestamente defenden l’asturianu y la oficialidá, PSOE ya IU, que col so silenciu sofiten la solicitú.
La nunca cumplida Llei d’Usu y Promoción del Asturianu aprebada en 1998 pol Executivu de Sergio Marqués, afita que los topónimos tradicionales son los oficiales. Sicasí, nel BOPA y en xeneral nes comunicaciones, oficiales ya estraoficiales del Principado enxamás s’empleguen.
Nel Dos Santos
This work is licensed under a Creative Commons Attribution 4.0 International License.
