Esta vegada la rempuesta foi rápida, seique non la deseyable: con fecha 22 de xunetu del 2024 recibe un escritu robláu pol alcalde refugando la pidición del 01 de xunetu por tar n’asturianu, sumando la discriminación a la falta de rempuesta. Sicasí, la solicitú anterior, escrita n’español, tampocu recibe rempuesta.  masque nun me faciliten el llistáu que pidí, enantes, en castellán

Con fecha 29 xunetu del 2024 apúrre-yos un escritu al Conseyu Transparencia informando que l’Ayuntamientu d’Illas nun  facilita la información pidida, lo que deriva nun apercibimientu al Ayuntamientu d’Illas, que con fecha del 10 de setiembre retruca nuevamente refugando la solicitú fecha’l di 01 de xunetu del 2024, ensin retrucar tovía a la primera y roblando nesti casu’l secretariu. 

Con fecha 25 setiembre del 2024 recibe por fin escritu cola rellación de los caminos ya carreteres que son propiedá del Ayuntamientu d’Illas, onde descubre que vienen 20 namái, lo que ye en pallabres del denunciante “de risa” en comparanza colos que vraeramente hai, lo que yos fae saber nun escritu remitíu’l 26 de setiembre. Cuasi un  mes depués l’Ayuntamientu d’Illas refuga esa rempuesta.

L’afectáu informa de tou ello al conseyu Trasparencia, incluyendo un recordatoriu de que

nel Ayuntamientu d’Illas lleven esin cumplir cola llegalidá vixente al rodiu d’esta xera dende que salió’l RD 1372/1986 (l’alcalde lleva incumpliéndolo dende los más de 17 años que lleva d’alcalde) y apurriendo, en comparanza lo que tien fecho l’Ayuntamientu de Muros de Nalón.

Con fecha del dos d’avientu recibe escritu d’esi conceyu, avientu recibu escritu del Conseyu de Transparencia onde amosen ya certifiquen que “estimen por motivos formales la reclamación presentada” y afiten que “foi necesario que se presentare reclamación énte’l Conseyu de Transparencia pa ver recoñocíu’l derechu a recibir la información solicitada.”

La cabera -por agora- parada d’esti pelegrinaxe foi esti 10 d’avientu, cuando recibe escritu del Ayuntamientu d’Illas, dempués de la resolución del Conseyu de Transparencia, desistiendo del so derechu d’accesu a la información “por nun retrucar a la rempuesta a la solicitú de que tien que presentalo en castellán”.

La hestoria nun fina equí y tamos ciertos de qu’entá tendremos de ver dellos escritos discriminatorios y de que tantu l’alcalde comu’l secretariu d’Illas recibirán denuncies pola so actuación.