Mientres el Principáu anuncia la so regulación pa instalar estos dispositivos en zones industriales, allonxaos de les zones rurales, sigue tramitándose el so allugamientunestes, cercanes a les viviendes, incumpliendo los 1.000 metros a llugares habitaos y 500 metros a ganaderíes anunciaos como distancies de seguridá

El Boletín Oficial d’Asturies vien d’espublizar la tramitación d’un nuevu parque de bateríes y la so llínea de conexón a allugar ente Caldones y Llavandera nel conceyu de Xixón, sobro unes parceles rustiques con 6.370 m² .

Esti parque va tar allugáu en zones rurales arrodiaos de viviendes, col correspondiente impactu que supon pa la calidá de vida de los vecinos.

La escasa distancia qu’habría ente los contenedores de bateríes y les viviendes traería una fuerte contaminación ellectromagnética pa la vecindá y los animales.  Los datos percanciaos fasta agora evidencien que la esposición escesiva a campos ellectromagnéticos aumenta’l riesgu de lleucemia n’adultos, cáncanu de mama o celebral. 

Amás, los riesgos que suponen esti tipu d’instalaciones en casu de fuga térmica o de quema traen unes consecuencies irreversibles de suma gravedá pa los collindantes, tanto pal mediuambiente como pa la salú humana, polo que ye inadmitible la so instalación próxima a núcleos de población,  llugares d’interés medioambiental, zones protexíes, etc.

El Principáu reconoz qu’hai 170 proyectos presentaos de parques de bateríes, de los qu’hasta’l momentu solo son públicos  61, yá que nun s’informa d’onde van los otros solicitaos. 

Los parques de bateríes que pel momentu se propunxeron n’Asturies son d’estremaos tamaños, dende los d’un contenedor d’almacenamientu, a instalaciones qu’inclúin hasta 100 contenedores. Agora mesmu  conocemos proyectos pa dellos conceyos asturianos como los de Salas, Salime, Siero (4 parques), Llanera (3), Mieres (4), Cangues, Uviéu (9), Avilés (3), Corvera (3), L.lena, Colunga, Villaviciosa (4), Soto Ribera, Regueras, Xixón (7), Candamo (3), Gozón (5), Piloña (3), Grao, Carreño (3), Cangas y Ribedeva. Na so mayoría, alluguense sobro suelu agrícola alteriando la coherencia visual de la redolada, mentes el Principáu sigue ensin tomar dala midía pa regular esta invasión.

Nel Dos Santos

This work is licensed under a Creative Commons Attribution 4.0 International License.