Los precios de los productos esenciales, especialmente los de la vivienda, volvieron xubir bien perriba de la medría de los salarios y pensiones
L’Institutu Nacional d’Estadística (INE) dio a conocer el datu acumuláu añal del Índiz de Precios de Consumu (IPC), resumiendo les xubíes de precios del 2024 nuna medría del 3,1% , percima de los 2’8% de media estatal.
El xorrecimientu de los precios de la vivienda lidera esta xubida, con un 7,2% más caros los servicios d’agua, lluz, gas o’l mesmu inmueble. Vistise ye tamién más costoso9, en concretu, un 5,1% más que va un añu. Alimentase xubió un 2,3%.
Los servicios culturales, recreativos y esportivos xuben un 2,5% ente que la prensa, los llibros o los artículos de papelería faenlo un 2%. La enseñanza, la sanidá y el tresporte tamién cuesten más dineru.
La xubida de los salarios y pensiones nun acompañó estes medríes, de manera que la capacidá adquisitiva de la población asturiana sigui amenorgando. Ello esplica problemes como los que denuncien dende l’asociación Cáritas, onde tán atopándose con persones que, con nómines que ronden los 1.500 euros, nun son quien a tenes una vivienda, siquiera n’arriendu.
Llucía F. Marqués
This work is licensed under a Creative Commons Attribution 4.0 International License.
