La reclamación surde nel contestu d’una solicitú d’información sobre inspecciones a un establecimientu hosteleru denunciáu ya por molesties ya incumplimientos horarios y de niveles de ruíu, consentios pola alministración llocal

El Consejo de Transparencia y Buen Gobierno insta al conceyu d’Illas a apurrir nel plazu de diez dies la información solicitada n’asturianu por un vecín que’l conceyu-y negare por nun reconocer la obligación de les alministraciones asturianes a comunicase nesti idioma, pesi a lo recoyíno na Llei d’Usu y Promoción del Asturianu, interpretando esa llei de manera restrictiva y dando a entender que les alministraciones llocales nun formen parte del Principado. 

El órganu estatal asume comu cierta la información apurría pola Casa Conceyu de que parte de la información requiría ta ya a dimposición del denunciante, pero de la mesma manera reclama que se-y apurra’l restu de la información, ya que considera que “el conteníu de la solicitú presentada pol declarante llegó a la entidá reclamada, nos sos precisos y esautos términos”, ensin que concurra denguna causa d’inadmisión del documentu, ello ye, que considera que’l conceyu quedó perfechamente enteráu de lo que se-y reclamaba y nun tien denguna xustificación llegal pa nun retrucar. 

Esta rempuesta desllexitimiza a toles alministraciones llegales que s’amparen n’interpretaciones revesoses de la Llei d’Usu pa nun aceutar documentación escrita n’asturianu y abre un precedente de reconocimientu de documentos escritos nesta llingua por parte de l’alministración estatal. 

Llucía F. Marqués

This work is licensed under a Creative Commons Attribution 4.0 International License.