Torna la Fea, III Feria de la Edición Asturiana

7 Marzu, 2025

El Gremiu d’Editores d’Asturies entama la tercer La Feria de la Edición Asturiana, con una programación tremada d’actividaes lliteraries, alcuentros con autores, firmes d’exemplares y presentaciones de llibros.

Del 7 al 9 de marzu de 2025 la Plaza de Trascorrales, n’Uviéu acoyerá esti prestosu eventu que tien a los llibros escritos por asturianos y asturianes y a los sos autores por protagonistes. Una oportunidá única de descubrir el trabayu de les editoriales asturianes, que mientres estos díes van compartir les sos novedaes, ufriendo la posibilidá de conocer in situ les publicaciones de recién del panorama lliterariu asturianu.

El siete de marzu la Fea acueye cuatro presentaciones: a les cincu y media la tardi, la presentación de ‘Asturies de l’A a la Z‘ d’Eva Rami, a les seis ‘Oviedo, crónica negra de los siglos XVIII y XIX” d’ Antón García y Jorge Ordaz, media hora más tardi ‘Fuxir’, de Pelayo Martínez Olái (Cuatro Gotes), a les siete ‘La colina del Minotauro’, de Miguel Rojo (Pintar-Pintar) y media hora depués, ‘Como la piel al sol de una lagartija’ de Berta Piñán (Hoja de Lata).

El sábadu ocho sedrán ocho les presentaciones, entamando a les doce y media y ca media hora hasta les ocho, con posa de tres a seis pa xintar: ‘Nosotras. Antología fantástica’, VV AA (Radagast) ‘Pel norte, n’El Cantu Llunada’, de Marina Pangua (E. Trabe), ‘Las manos de antes. Recetas del occidente de Asturias’, de Beatriz López Vidal (Delallama), ‘Aquí no hay tregua y otras historias’, de Ama Ata Aidoo (Cambalache),’La última canción del Batallón Galicia’, de Cristóbal Ruitiña (Impronta), ‘La mansión de las 10 puertas’, de Lucía Álvarez Álvarez (Pintar-Pintar), ‘Biblioteca andante’, de J. L. García Martín (Impronta), ‘El tapiz del silencio’, de Rosario Neira (Bajamar Editores) y finalmente ‘Las mujeres y el clan familiar en la narrativa femenina: Cocos de luz’, de Rosa Valle (Velasco Ediciones).

Col mesmu horariu na mañana del domingu van presentase “Caminos de Andalucía’, deJ. Junquera Peña (La Semeya), Revista ABACO 122. Batallas culturales (CICEES), ‘El final de una etnia. La identidad de los vaqueiros de alzada’, d’ Adolfo García Martínez (KRK), ‘El cantar de la reina Unicornio’, de Pablo Fraile Dorado (Delallama)
De tardi van facese dos cuentacuentos, ún a les cincu y media, con Rodrigo Olay presentando ‘Libros de aire’, de Carlos Iglesias Díez y a les seis ‘La Über-Xana y el fugáu, les xanes 2.0 y la vuelta de tuerca a la mitoloxía’, de Xon de la Campa (Radagast).

Seique l’eventu ta empobináu a les editoriales asturianes, namás tres de los 17 llibros presentaos y ún de los cuentacuentos tan n’asturianu.