El miércoles dos d’abril La Revoltosa acueye la presentación d’un diorama especial dedicáu a les 6 de La Suiza
Dientro les munches amueses de sofitu a les 6 de La Suiza, esta ye de les más orixinales: un diorama fechu con Playmobils representando la llucha y les movilizaciones sociales coles que la sociedá asturiana apurre de continuo el so sofitu a les sindicalistes represaliaes, condergaes por defender nel añu 2017 los drechos d’una compañera frente al acosu llaboral y sexual al que la sometía el propietariu de la ya presllada Pastelería La Suiza. La persecución a l’acción sindical acomuñó dende’l primer momentu centenes d’amueses de solidaridá, non solo por parte de la sociedá asturiana sinón tamién a nivel internacional, recibiendo’l respaldu d’abondes estayes de la sociedá asturiana.
La cita ye a les siete la tardi del día dos d’abril y amás de presentase’l diorama tendrá llugar una charra na que’l Grupu de Sofitu a les 6 de La Suiza informarán de la situación actual del conflictu.
Remembremos que’l de les 6 de La Suiza ye ún de casos los más graves de persecución a l’acción sindical nos últimos años, tando condergaes a tres años y mediu de cárcel y pagar una multa de mas de 125.000 euros.
Nel Dos Santos
This work is licensed under a Creative Commons Attribution 4.0 International License.
