El Principado plantégase beneficiar la propuesta de la empresa británica Black Dragon cola Llei de Proyectos Estratéxicos del Principado
El Puerto de Tapia acoyó la concentración na que centenares de persones reclamaron el non del Principado a la esplotación minera de Black Dragon. La protesta finó con un percorríu fasta la sablera, pesi a la lluvia, aconceyando a vecinos de Tapia y persones con venceyu familiar col conceyu.
L’Occidente asturianu vive dende va más de 20 años baxo la menacia permanente d’una industria estractiva que dañaría l’entornu de los llagos de Salave, les agües -tanto del ríu comu de la mar- y la salú de los tapiegos, menaciando la pesca, la ganadería y tolos sectores productivos tradicionales de la fastera, amás de dañar el turismu potencial na zona.
“Naide nel so sanu xuiciu pue considerar una mina d’oru como proyectu estratéxicu”, dixo Covadonga Obegero, de la Platafroma Oru Non, na llectura del manifiestu demientres la concentración, n’alusión a la posibilidá de qu’esti proyectu pudiere beneficiase de la nueva Llei de Proyectos Estratéxicos del Principado, daqué que ta n’estudiu.
Nel Dos Santos
This work is licensed under a Creative Commons Attribution 4.0 International License.
