Ana Cano abandona’l cargu dempués de cuatro mandatos

Xosé Antón González Riaño (Viella, 1956) ye profesor titular del departamentu de Ciencies de la Educación de la Universidá d’Uviéu. Ye miembru de númberu de l’Academia de la Llingua Asturiana dende 1987, na cual foi vicepresidente y responsable del programa de formación. Tamién foi’l promotor y director de la colección «Estaya Pedagóxica», onde se publicaron 20 volumes rellacionaos con innovaciones didáctiques na enseñanza del asturianu nos centros educativos.

Nun comunicáu, la institución quiso “sorrayar y agradecer fondamente l’escomanáu llabor desendolcáu pola direición anterior nos ámbitos sociales y de normativización del idioma, al empar que da anuncia del so enfotu por siguir nuna xera qu’ha empobinar, ensin dulda, hacia’l llogru de la oficialidá de la llingua hestórica de tolos asturianos y asturianes”.

La xunta directiva de l’Academia va tar amás compuesta por Marta Mori d’Arriba (vicepresidenta), Xosé Ramón Iglesias Cueva (secretariu), Carme Muñiz Cachón (vicesecretaria) y Carlos Lastra López (ayalgueru).

This work is licensed under a Creative Commons Attribution 4.0 International License.