L’alcuerdu implica una financiación adicional de 1.000 millones de llibres pal Norte d’Irlanda

El Partíu Conservador de Theresa May, y el Partíu Democráticu Unionista (DUP) d`Arlene Foster roblaron un alcuerdu de gobernabilidá. El Gobiernu de May pa continuar necesitaba l`apoyu de los diez diputaos del ultraconservador DUP norirlandés, probritánicu y protestante, tres perder la mayoría absoluta nes elecciones xenerales del 8 de xunu.

El pactu foi robláu en Downing Street, residencia oficial de May, polos llíderes parllamentarios “tory”, Gavin Williamson, y unionista, Jeffrey Donaldson. Foron testigos de la rúbrica May y Foster, asina como’l númberu dos del Executivu de Llondres, Damian Green, y el vicepresidente del DUP, Nigel Dodds.

L`acuerdu supón 1.000 millones de llibres de financiación adicional pa l’autonomía norirlandesa, a los cuales hai que sumar otros quinientos que ya taben destinaos. Amás, Foster manifestó que`l Gobiernu de May se comprometió a caltener les garantíes sobre`l incrementu de les pensiones, que los “tories” queríen eliminar, asina como los sosidios enerxéticos pa los ancianos

This work is licensed under a Creative Commons Attribution 4.0 International License.