El festival mod cellebra la so 23 edición, constituyendo una referencia mundial del xéneru

Ente los díes 3 y 6 d’agostu va cellebrase la 23 edición del festival Euro Yeyé, que cunta con actividaes como la concentración de scotters clásiques, diverses esposiciones, un festival de cine underground o a la pool party. Ún de los impulsores del festival, Félix Domínguez, esplicó nunes declaraciones que recoyó L. Puig en La Razón que’l festival nació “cómo una necesidá de poder esfrutar d’una programación allegada a los nuesos gustos y aficiones” tres la reflexón de que “Si nun esiste, hai que crealo”.

Félix Domínguez afirma que 23 años dempués sígense basando “nos mesmos parámetros tanto estéticos (y refiérome al conceptu filosóficu d’estética) como organizativos. Anque agora la staff ye daqué mayor que al entamu y el weekender creció bien controladamente hasta llegar al nivel de güei del que nun tenemos pensáu movenos porque quiciabes pierda autenticidá si lo facemos”.

Euro Yeyé ye una suma d’eventos d’entrada llibre y d’otros que tan abiertos al públicu a lo llargo de casi un mes, lo qu’enzanca’l conocer el númberu d’asistentes. Circunstancia que a el organizadores nun-yos esmolez nada yá que creen que non “barema necesariamente la calidá d’un festival”. “El conciertu gratuitu suel axuntar a unes 4.000 o 5.000 persones, los conciertos y sesiones de djs suelen enllenar la sala qu’usamos con capacidá pa 600 persones. Les previsiones d’anguaño son les mesmes del añu pasáu anque creo que va dir un poco a l’alza pol ritmu de veenta d’abonos”, según Domínguez.

This work is licensed under a Creative Commons Attribution 4.0 International License.