Nenguna televisión estatal quisó emitilo

Tres un esitosu estrenu en distintes sales de cine, MediaPro decidió compartir en Youtube el documental ‘Les cloaques d’Interior’. Con un guion de Jaume Grau y una realización d’Andrea Ferrando, cola dirección de Jaume Roures, el documental contien testimonios d’enorme valor para entender l’algame del conxuntu d’illegalidaes esistente nel Ministeriu español d’Interior, utilizando’l casu Trias’ como base coles conversaciones ente’l exministru Jorge Fernández y Daniel de Alfonso.

Nel documental tamién son espuestes les mafies policiales, el GAL, l’informe Veritas, la trama d’espionaxe dientro del PP de la Comunidá de Madrid, la operación Cataluña, o l’informe TRÍA sobro’l financiamientu de Podemos.

This work is licensed under a Creative Commons Attribution 4.0 International License.