Sentíu homenaxe nel 80 aniversariu de la hestórica proclamación de soberanía del Conseyu d’Asturies y Lleón cola qu’esti territoriu s’independizaba a tolos efeutos de la República Española
Na intervención d’Andecha Astur qu’acompangó l’homenaxe féxose un rápidu resume del llabor del conseyu Soberanu, que “protagonizó un de los momentos mas heroicos de la defensa asturiana al aguantar al exércitu facista español, alemán ya italianu, que venía victoriosu d’arrasar una Euskadi que se rindió y una Santander que tampoco peleó y de llegar corriendo fasta la llende d’Asturies, onde los paremos y los tuvimos paraos, con un exércitu pequeñu, porque somos un país pequeñu, pero conseguimos paralos escribiendo entós una de les hestories mas brillantes de resistencia d’un pueblu escontra l’invasor y escontra’l colonialismu”
Una historia, per embargu, que la gran mayoría de los asturianos y llioneses desconocen por completo y que pudo camudar el cursu la nuesa historia, ya que’l conseyu d’Asturies y Lleón nun ñació como un organismu temporal de defensa, sinón que tenía un envís revolucionariu pal qu’organizaron toa una cadarma d’estáu, con moneda, sellos propios, reconocencia internacional y por supuestu exércitu.
Esti envis revolucionariu y la so intención de durabilidà desplica la refuga por parte de la República Española, que recibió con aliviu la derrota del Conseyu Soberanu por parte del exércitu facista “La mesma república que machacó Asturies n’ochobre del 34, la mesma república de la que mos declaremos independientes en 37, cuando s’entero de qu’Asturies cayere a manes del exércitu facista, en cuentes de sentilo nun escondió’l so aliviu . La República Española prefirió una España facista qu’una Asturies llibre”
Por tou ello reivindicaron el Conseyu como la referencia hestórica del nuesu pasáu democráticu y la única institución democrática que tien Asturies, remembrando que los asturianos y llioneses -a diferencia d’otros pueblos del estáu- nun tuviemos la posibilidá de decidir qu’estatutu teníemos, nin el nome, o a que comunidá perteneciemos yá que la decisión vieno tomada dende Madrid, impidiéndosemos votar.
“Denguna istitución que nun salga de la voluntá del pueblu puede considerase asumible, nin el Principado nin la Xunta de Castilla y León pueden ser pa los asturianos y lleoneses un referente hestóricu nin una istitución asumible.”
L’actu, que se celebró nel puertu Tarna al par del monolitu que remembra a los héroes que llucharon escontra l’exércitu facista, contó cola presencia d’una delegación lleonesa cola que se revivió’l pautu creáu ochenta años anantes pente ambos pueblos, apuntándose la posibilidá de que la capital llionesa, en procesu de revisión de les sos cais, camudara’l nome de l’anguaño avenida Fernández Ladreda, -nel puntu mira pola Llei de Memoria hestórico- pol de Conseyu Soberanu.
Al actu asisitieron tamién corresponsales del diariu enredando.info, a quien se-yos deben les semeyes.
Llucía F. Marqués
This work is licensed under a Creative Commons Attribution 4.0 International License.
