Ayeri rexistráronse dos grandes llaparaes solares, una d’elles, la más potente rexistrada nel ciclu solar actual
La llaparada, qu’españó na mesma zona qu’ otra de carauterístiques asemeyaes deteutada va un par de díes, ye la mayor llamarada solar en 14 años , catalogada X9,2, dientro de la escala de les erupciones solares, qu’estrema cuatro clases : A, B, C, M y X (de más pequeñes a más grandes) con un númberu en caúna d’elles pente’l 1 ya’l 9, asina qu’ esta cuasi que sal de la escala.
Amás, dionos de llenu , siendo una de les zones de más absorción de protones. Esto afeutó al campu magnéticu terrestre, favoreciendo aurores boreales en llatitues baxes, pudiendo ser que s’estropiare dalgún satélite.
A pesar de ser un bon petardazu, l`anterior más potente foi un cachu mayor qu’esti, el 4 de payares del 2003, una X28. Nun ta demostrao qu’afeute a les presones direutamente, pero si a los campos magnéticos, polo que tolo lleutrónico o llétrico ta espuesto a avería con estes llaparaes, anque nesti casu l`atmósfera protexenos y ye perprobable que solo se vieren afeutaos los satélites que ten nel espaciu. La llaparada ye potente pero non abondo como pa furar l`atmósfera y ta mui lloñe del eventu Carrington de 1859, nel que se pudieron ver aurores que fasta nel norte de Colombia, provocando’l fallu de los sistemes de telégrafu en toa Europa y América del Norte.
@eltiempunasturies.com
This work is licensed under a Creative Commons Attribution 4.0 International License.
