El partíu nacionalista quier abrir un alderique na sociedá gallega

El BNG insiste na so campaña por superar l’actual Estatutu d’Autonomía y configurar un nuevu marcu institucional qu’afonde nel autogobiernu de Galicia. Asina’l viniente sábadu va presentar un documentu en Santiago de Compostela coles sos propuestes (“bases democrátiques”) pa que Galicia nun quede “anulada nin sumida” nun momentu de redefinición política en tol Reinu d’España.

Ana Pontón, vocera del BNG, plantega como prioritaries cuestiones la reconocencia de Galicia “como nación”, el desendolcu de “nuevos drechos sociales” o la superación de la crisis demográfica.

Pa lo cual, nun momentu nel que se ta abriendo un nuevu escenariu políticu nel Estáu español, la sociedá gallega nun pue caltener una posición soriella sinón que tien qu’intervenir con voz propia.

This work is licensed under a Creative Commons Attribution 4.0 International License.