Dientro’l Ciclu ConCiertos ConSentidos, esta nueche podremos conocer en direutu “Koko Iroyin” na Sala Acapulco
Na relixón Yoruba, Ogun ye l’Orisha o divinidá que representa la fortaleza, el trabayu y la fuercia aspero ya anicial, la fuercia que zarra la caxa’l cuerpu humanu. Ogun Afrobeat tresmite esa fuercia cola so música. L’afrobeat entemez la música negra surdía en Norteamérica, como’l jazz y el funk, con ritmos africanos acompañaos d’avezu de percusión, derivando en composiciones selvaxes y bien enérxiques.
La banda combina lletres en yoruba, idioma faláu por dellos millones d’habitantes n’África Occidental, n’inglés, n’árabe y n’español. Y combina tamién músicos de distintes procedencies: Nixeria, Cuba, Italia, Venezuela, España…
Tres el so debú con “The Observer” Ogun Afrobeat presenta nuevu discu, Koko Iroyin, frutu de dos años de trabayu n’estudiu y en direutu, qu’entemez ritmos tradicionales africanos como l’apala, el fuji o l’high lifecon soníos funk y jazz más modernos. La resultancia ye un álbum con ocho timas y 55 menutos de polirítmies desenfrenaes, melodíes de vientos que remembren a los coros africanos ancenstrales, bases rítmiques poderoses y mensaxes canciaos en yoruba, inglés, árabe y español.
Pesia’l curtiu percorríu Koko Iroyin, que significa “Cuyaraes d’información” yá s’atopa ente los 20 meyores albums del añu según Radiu Mukambo (Bélxica), ente los meyores 15 discos de World Music del añu según la radio nacional suiza, RTS, y como númberu 3 na llista de World Music Chart.
Pa quien quiera un anticipu de la so música, dexámosvos unu de los sos videos:
This work is licensed under a Creative Commons Attribution 4.0 International License.
