Los díes 28 y 29 d’Ochobre más de 40 reconocíos escritores en llingua asturiana aconceyaránse’n Villaviciosa pa falar de la situación actual de la nuesa lliteratura
Les xornaes entamarán el sábadu con una primer llamada a les 9:30 ya la inauguración oficial a les diez, nel Teatru Riera. Darréu, proyeutaráse’l documental “Escribiendo’l camín, 30 años de xuntes d’escritores” nel que se fadrá un repasu a la historia d’estos alcuentros. A les doce y media cellebraráse un Homenaxe al escritor asturianu Xose Caveda y Nava na so casa Natal
De magar les 4:30 de la tardi los alderiques socederánse ensin posa, simultaneándose nel Teatru Riera y la Casa los Hevia demientres los dos díes que dura la xunta. Nellos, los autores tratarán nueve temes estremaos alrodiu la lliteratura asturiana, pero toos dende un puntu de vista actual que permita comprender meyor la so situación y aide a avanzar nel camín.
Na nueche del sábadu, el dúu LR pondrá música a la espicha, na que tamién se presentará’l nueu númberu de la revista lliteraria Formientu, dexándose darréu’l micro abiertu pa la llectura llibre d’obres.
Llucía F. Marqués
This work is licensed under a Creative Commons Attribution 4.0 International License.
