En banzáu de Pe sigue en pie, magar rematar la so concesión, por ineficiencia alministrativa, una y bones el plazu para faer efectivu’l procedimientu d’estinción de la mesma trescurrió ensin que se tomaren les midíes afayaices

La Coordinadora Ecoloxista d’Asturies, Ríos  con Vida y  Salternavia soliciten a la Confederación Hidrográfica del Cantábricu que se reinicie’l  procedimientu para estinguir la concesión de la presa de Pe de la Viña nel ríu Eo.

Reclamen  el valtamientu de la presa allugada nes cercaníes de Santirso d’Abres, que ye unu de les principales torgues al caltenimientu del salmón y l’anguila.

Les trés organizaciones dirixiéronse amás al Presidente y al Comisariu d’Agües de la Confederación Hidrográfica pa que se depuren les responsabilidaes pola obligación de resolver en plazu.

La non intervención en tiempu por parte de la Confederación dexó que l’espediente -abiertu fai 18 meses- caducare, lo que dexa a Enel Greenpower España siguir esplotando esta antigua central, gracies a una concesión de caudal de 6.000 llitros por segundu, autorizada nel añu 1907 y yá caducada.

La valtadera d’esta torga supondría un bultable ameyoramientu tantu pa la calidá de les agües como pa la calidá del ecosistema fluvial del Eo, que forma parte de la Reserva de la Biosfera Oscos Eo y Terras de Burón.

Nesti riu esisten poblaciones de pexes migradores como’l sépalo (Alosa alosa), el salmón atlánticu (Salmu salar) o llamprea marina (Petromyzon marinus), siendo tamién abelugu de l’anguila (Anguilla  anguilla), especie en seriu  peligru.

Llucía F. Marqués

This work is licensed under a Creative Commons Attribution 4.0 International License.