L’Asociación Asturiana d’Esclerosis Múltiple, (AADEM) entama’l próximu xueves 30 de payares, una Xornada informativa que sol nome xenéricu de “Conocer la Esclerosis Múltiple”, va tratar distintos aspeutos d’esta patoloxía
La Esclerosis Múltiple ye una enfermedá que repercute seriamente na vida de les persones que la carecen, provocando entueyos na vida familiar, social y llaboral, lo que desagua en situaciones de graves problemes d’aislamientu social, llaborales y económicos. Aveza apaecer ente los 20 y los 40 años, la so causa ye desconocía y afeuta en mayor proporción a muyeres.
La rehabilitación ye imprescindible y la conocencia de la enfermedá por parte de la redolada del enfermu, de gran importancia. Poro, dende la so creación nel añu 1995 AADEM centra los sos esfuerzos n’ameyorar la calidá de vida de quienes carecen EM y n’ufiertar información sobro esta patoloxía.
Dientro de les sos actividaes van celebrar esti xueves 30 de payares una Xornada sobro la Esclerosis Múltiple, de magar les seis de la tardi nel Espaciu Cultural del Licéu” de Navia .
Llucía F. Marqués
This work is licensed under a Creative Commons Attribution 4.0 International License.
