L’usu de la llingua propia na enseñanza billingüe lleva a los populares a contradecise
N’Asturies, cola asturfobia que carauteriza los actos d’esti partíu, el PP presentó un recursu ante el TSXA contra’l plan pilotu pal usu de la llingua asturiana como vehicular, durante unes hores a la selmana que se ta poniendo en práutica en seies centros educativos, basando la so apelación nel incumplimiento de la LOMCE y alegando que “el plan vulnera los drechos de los castellanoparlantes”, pesi a que la participación nel mesmu ye voluntaria y de fechu enforma abegosa de consiguir pa les families interesaes.
En Catalunya, sicasí, non solo nun ataquen la enseñanza bilingüe, sinon que dediquen un espaciu na so páxina a desplicar comu la solicitar . “Comu sabes, cola entrada en vigor de la LOMCE queda garantizao per Llei Orgànica el drechu de los tos fios a l’educación billingüe” podemos lleer. Si quies exercer esti drechu namás ties de siguir estes cencielles indicaciones…” Tou ello escrito en correchu catalán.
L’argumentu esgrimíu a favor ya en contra ye’l mesmu: la LOMCE, que depende d’en que llingua se llea diz una cosa o la contraria.
Redaición InfoAsturies
This work is licensed under a Creative Commons Attribution 4.0 International License.
