Quemar viesques, envelenar animales, verter agües fecales o industriales nos ríos, esparder contaminación nel aire o talar árboles centenarios pa que los turistes suban más cómodos al monte son dalgunes de les cuestiones poles que n’Asturies se paguen sanciones risibles
¿Cuanto val un osu? ¿a cuantu sal la hectarea de viesca? ¿cual ye’l preciu de cien truches? ¿En cuantu valoramos el desfiuciu de la fauna? un par d’exemplos illustren lo barato que puede salir estrozar el país.
Ocho meses de cárcel, multes que van de los 1.920 a los 3.600 euros o indemnizaciones ridícules son les consecuencies que tienen los responsables de les quemes de viesques, unes quemes que, enriba de les incalculables perdides a nivel de flora y fauna, conlleven unes perdides económiques que na cabera riestra –pente’l 2 ya’l 19 d’ochobre- amonten a 52 millones d’euros. Eso nos escasísimos casos nos que s’aporta a xuiciu, ya que na gran mayoría de los incendios nun se busquen los culpables o nun hai prebes abonde pa inculpar los sospechosos: a los tribunales avecen aportar namás los culpables por imprudencia.
Per otru lláu, un home vien de ser multáu en Peñamellera Alta como responsable d’un delitu contra los recursos naturales ya’l mediu ambiente por colocar velenu pa matar animales xabaces de mena indiscriminada. La multa asciende a 3.600 euros. Calcúlase que lleva más de dos años utilizando esti método, ensin que seya posible calcular el númberu d’animales perxudicaos.
Dos exemplos namás pa representar el pocu valor que se da a Asturies en sí mesma y del pocu respetu que merecen los sos habitantes a les alministraciones.
Redaición InfoAsturies
This work is licensed under a Creative Commons Attribution 4.0 International License.
