Centenares de presones asistieron a la primer xornada d’Asturianada y sidre.
El vienres 14 d’abril entamó la VIII amuesa de “Asturianada y Sidre” cola participación de los neños de la Escuela de Música Tradicional La Quintana de Xixón a cargu d’Ismael Tomás y de la Escuela CAsa de Cultura de Colunga con Lorena Corripio como profesora.
Xubiéronse al escenariu pa demostrar que la tonada “ta más viva que nunca”. Sara Sirgo, Andrea Méndez, Vanesa Señas, Laura Uría, Noemí Alonso y Luis Castiello canciaron preciosos temes d’asturianada acompangaos cuando se requería, del gaiteru Llorían García.
Ismael Tomás, profesor d’una de les escueles de música tradicional, la de La Quintana de Xixón “Ye la nuesa cultura. La sidre ta mui xunía a los bolos, a los xuegos tradicionales y por supuestu a la canción asturiana. Tamos percontentos de qu’agora hebia una cantera de piqueños cantantes que ponen mui n’alto los nueso valores. Son sobro too neñes, les muyeres son más echaes p’alantre nesti aspeutu, por eso tamién queremos que s’animen neños. Dizse que la tonada nun tien munchu públicu, y nun ye asina, porque aú vamos, siempres ta atarraquitao” dixo Tomás y n’efeutu, ecuchándolos taben cientos de presones que supieron esfrutar d’esti estupendu espeutáculu d’asturianía.
This work is licensed under a Creative Commons Attribution 4.0 International License.
