El prósimu vienres 24 de febreru, a les 19:30 h, el Centru Social Autoxestionáu La Semiente entama una charra-alderique que baxo’l nome “Economía Rural, ¿una alternativa de futuru?”
N’ella retenden reflexonar sobre les posibles salides a la situación d’aguaño na que l’ausencia d’alternatives, xunía a una desindustrialización brutal y la non rexeneración de texíu económicu, ta poniendo nuevamente nel mapa la posibilidá de vivir y trabayar nel mediu rural.
N’Asturies el Mundu Rural siempre tuvo presente, dende La Semiente conviden a reflexonar sobre si de verdá pue ser una salida a esta situación.
Pa ello cuntarán na charra con Lorena Veiga Montes (xerente del proyectu “Con Raíz”), Mario Fernández Suárez (comuneru “Güerta Escuela La Llera”), Mª Jesús Alonso Blanco (xerente “Programa Leader” Alto Nalón), un representante de la Asociación Asturiana de Criadores de Gochu Asturcelta y otru de la Cooperativa “El Maeral de Mieres” toes elles persones que tan apostando n’esti sen y que cuntarán a los asistentes la so esperiencia, lo guapo y lo feo, les facilidaes (si les hai) y les dificultaes.
Too ello moderao por Astor Llaneza, miembru de La Semiente y Llicenciau en Bioloxía.
Dempúes de les intervenciones habrá un alderique onde poder intercambiar opiniones y ver si se ye quien a algamar dalguna rempuesta.
This work is licensed under a Creative Commons Attribution 4.0 International License.
