Los trabayaores piden que se camude una clausula del contratu d’Intu con Eroski que dexa nel aire la so continuidá llaboral

En vista de que la empresa fizo oyíos sordos a la concentración de cientos de presones cola que los trabayaores finaron l’añu, mañana tornarán a salir a la cai. Aseguren que’l cientru comercial niégase a camudar una cláusula del contratu d’alquiler del espaciu n’Intu con Eroski que torga que’l Carrefour asuma’l negociu garantizando’l puestu de trabayu d’alrodiu cien emplegaos.

Poro, el 4 de Xineru una nuea concentración saldrá de la puerta l’Eroski a  les siete de la tardi y percorrerá un tramu de la carretera d’entrada al cientru comercial, cortando’l tráficu demientres una hora nun de los díis con más afluencia del añu, como midía de presión pa facer camudar la postua d’Intu. Pel so lláu, los xestores del cientru defenden qu’ellos nun son más qu’arrendadores del espaciu y que los trabayaores tendríen qu’iguar les sos reivindicaciones direutamente con Eroski.

Redaición InfoAsturies

This work is licensed under a Creative Commons Attribution 4.0 International License.