Los últimos datos indiquen qu’El 44% del territoriu presenta riesgu «altu o bien altu» de carecer nueves quemes
La información contenía nel nuevu plan de quemes n’analizando los datos de los 24.000 fueos rexistraos n’Asturies ente los años 2000 y 2013 ye alarmante, pero tamién dexa estrayer patrones p’antemanase a les quemes, marcando claramente les zones más vulnerables ya inclusive los horarios y díis de mayor peligru.
En concretu, catorce conceyos presenten un riesgu «bien altu» de sufrir nuevos fueos y otros dolce atopense’n situación de riesgu “altu”. Nel occidente esmolez especialmente Cangas, Ayande, Tineu, Balmonte y Gráu. Na cuenca, La Pola L.lena, Mieres y Ayer. Al oriente, Cabrales, Llanes, Onís, Cangues d’Onís, Parres y Piloña.
Temporalmente, los meses de febreru y marzu son los más peligrosos, cuasi la metá de les quemes prodúcense nestos dos meses. Amás, el 42% d’ellos empecípiense dempués de les seis de la tardi, lo que complica l’actuación de los helicópteros y la llegada de los bomberos. Un terciu de les quemes tienen llugar en fin de selmana, precisamente los díes nos que, entá agora, los efeutivos –yá de por si insuficientes- mengüen.
L’informe destaca tamién l’alta vulnerabilidá económica del territoriu asturianu énte’l fueu, por cuenta de la distribución de la población, los elevaos valores granibles de parte’l territoriu y l’altu riesgu d’erosión.
Con estos datos na man, Andecha Astur reclama la inmediata meyora y adecuación –en medios, personal y horarios- de los dispositivos d’emerxencia. Amás afirmen que’l control tien de multiplicase, una y bones la man del home rescampla na folada de quemes, anque hasta’l momentu nun se probara más que nel 37% de los casos y nel restu “supónse”. L’actual plan contempla namái implicar a los guardias rurales na “xixilancia disuasoria y la destinada a identificar a les persones que provoquen les quemes”, llabor que teóricamente yá s’atopaba dientro de les sos obligaciones, pero que al paecer nun se taba realizando correchamente.
Los 1.730 quemes carecíes l’añu pasáu xamuscaron 27.799 hectáries, afectando a tou tipu de montes y estropiando zones especialmente protexíes.
Llucía F. Marqués
This work is licensed under a Creative Commons Attribution 4.0 International License.
