SUATEA denuncia Illegalidaes ya inxusticies nel procesu d’escoyeta d’ausiliares educadores
El sindicatu amuesa’l so descontentu pa coles primeres prebes realizaes el pasáu 25 de payares de 2017, pa la provisión de places d’ausiliar educador de l’alministración d’Asturies, venceyaes al nivel académicu d’Educación Secundaria Obligatoria.
Acordies los ensiñantes, les entrugues nes que consistía la preba nun s’afayen a les funciones propies de la categoría, incluyendo ente elles cuestiones ensin sen pal exerciciu de la figura d’ausiliar educador.
Foi necesario, de fechu, un cambéu de nota corte nel procesu pa escoyer a los opositores que pasaren a la segunda fase del mesmu, a cellebrar el viniente 3 de febreru de 2017, ya que sinón nun pasaría naide. El cambéu consiste en que l’alministración, coscientes de la complexidá y mala disposición de la primera preba, tresforma sobre la marcha la nomada nota p’asina permitir pasar a la segunda fase a 94 aspirantes, d’un total de 4200 persones que se presentaron pola plaza.
Ente lo que consideren “inxusticies convertíes n’illegalidaes dientro d’un procesu selectivu que namás podemos nomar d’un verdaderu despropósitu”, SUATEA amuesa tol sofitu necesariu a los aspirantes con cuenta de que l’alministración execute una nueva escoyeta dientro d’un marcu llegal y tresparente.
Redaición InfoAsturies
This work is licensed under a Creative Commons Attribution 4.0 International License.
