Iniciativa pol Asturianu celebró anguaño’l Día de la Llingua Materna afalando la creación de memes n’asturianu pa participar nel llamáu “retu del meme na llingua materna”, una iniciativa d’algame internacional de la organización Rising Voices que tenía omo oxetivu espublizar la diversidá llingüística nes redes sociales.
El retu del meme en llingua materna consistía en crear un meme orixinal y risonderu n’asturianu y añedir les etiquetes #MemeML y #asturianu y publicar en Twitter, Instagram o Facebook. La campaña foi un ésitu, asoleyándose decenes de memes con estes etiquetes.
El Día Internacional de la Llingua Materna ye una xornada declarada pola UNESCO, que se celebra cada 21 de febreru dende l’añu 2000, p’afalar la diversidá llingüística, cultural y el multillingüismu.
This work is licensed under a Creative Commons Attribution 4.0 International License.
