Les decisiones sobro la transición enerxética n’ Asturies nun pueden abordase ensin conocer y valorar la idiosincrasia específica de les cuenques mineres y les repercusiones sociales ya económiques que tendría’l zarru de les mines, daqué malo de valorar dende Madrid

Izquierda Xunida nun consigue coordinar la so posición no que cinca al cambéu de fontes d’enerxía dende les térmiques a les anovables. El mesmu diputáu d’IX na Xunta Xeneral, Ovidio Zapico, llamenta la ambiguedá del partíu a nivel federal no referío a la transición enerxética ya’l futuru del carbón. Amás, quexase de la falta de comunicación de la sede cientral d’IX cola so sucursal n’Asturies “Les aniciatives que s’apreben nel Congresu nun son comentaes nunca con Asturies. Posiblemente nun seya decisivo pal zarru de Lada lo que s’aprebe’n comisiones, pero lo que s’apreba tien una repercusión política”, alvirtió.

La transición enerxética n’Asturies ye una tema complicada nel que munchos espertos coinciden en que nun puede decidise ensin realizar primeramente un analís seriu de toles sos implicaciones y ensin una conocencia fonda de tolos intereses en xuegu. Daqué que ye abegoso qu’asoceda si les decisiones siguen tomándose a miles de Km por entidaes que nun tán comprometíes cola realidá asturiana.

Nuria Prendes

This work is licensed under a Creative Commons Attribution 4.0 International License.