Tres de la retirada de la toponimia n’asturianu de los billetes de la compañía lluarquesa de tresportes el mes pasáu, la empresa recibió una lluvia de protestes por parte de los usuarios

Desque, a finales de febreru d’esti añu, nos billetes de los autobuses d’ALSA dexaren de apaecer los nomes de los destinos col so nome asturianu, una campaña de recoyida de robles con más de 1.300 sofitos y abondes cartes a la empresa algamaron que la máquina espendeora de billetes torne a usar les dos llingües.
Victor Suárez, la mesma persona que nel añu 2011 entamare una campaña de correos lleutrónicos y presión en redes sociales cola que consiguió que la compañía de tresportes ALSA emplegara la toponimia asturiana, apurriéndoyos elli mesmu el llistáu de topónimos qu’habríen d’emplegar, anició siete años depués la campaña de recuperación d’esi llogru, después de que dende ALSA allegaren “falta d’espaciu” pa eliminar los nomes asturianos de los billetes.

Redaición InfoAsturies

This work is licensed under a Creative Commons Attribution 4.0 International License.