“El futuru ta nel aire” dicen los convocantes… y si ye asina tenemos un futuru bien prietu
El 92% de los asturianos respira aire contaminao. Doce conceyos asturianos tan pente los cabezaleros nel estáu por númberu de muertes por cáncanu de polmón. Uviéu, ciodá onde se rexistren cerca de 300 muertes por contaminación al añu, va per delantre n’Europa no que cinca a benceno y de nun camudar les tornes, Xixón lliderará en pocos años el rankin de ciodaes más contaminaes por partícules de toa Europa.
Un estudiu del desendolcáu nos hospitales asturianos venceya direutamente los picos n’ingresos hospitalarios por problemes respiratorios colos picos nes midíes de la contaminación. Pero la mala calidá l’aire non solo daña los polmones, sinón que tamién prevoca ya empeora enfermedaes neurolóxiques y de coral.
Con toos estos datos na man, la Plataforma Asturies por un Aire Sano convoca un manifestamientu el domingu 18, de magar les doce nel paséu de Begoña (Xixón). “Porque el Futuru ta nel aire, porque creemos que la nuesa industria tien y puede ser más llimpia, porque merecemos un mediu ambiente más saludable.”
Nuria Prendes
This work is licensed under a Creative Commons Attribution 4.0 International License.
