Si el branu ye de Arte na cai, el proyeutu pilotu Siente Xixón va protagonizar l’axenda cultural de la ciudá esta primavera
Siente Xixón va tener una duración de tres meses, del 24 de marzu al 24 de xunu, nos qu’esti proyeutu va facilitar l’averamientu al públicu de l’actividá artística llocal, fomentando l’interés pol arte de calidá ya’l consumu cultural, contribuyendo al afitamientu de los artistes. Los horarios tán enforma llendaos para garantizar el descansu vecinal, asegurándose de que l’horariu de les actuaciones nun s’enllargue más allá de les 20.00 hores na cai y de les 22.00 hores nos llocales.
L’alta calidá de les 56 solicitúes que se presentaron al proyeutu, 34 llocales y 22 artistes pa la modalidá “Cai” fixo que’l xuráu, compuestu por representantes del Conceyu de Xixón y los colectivos Trés Utres, El Dinamo, Espaciu Llocal y Colectivu Asturianu de Jazz escoyeren toes menos una, que por non afaese a les condiciones y calendariu del proyectu va incluyise nel programa “Arte na Cai”
Los llocales almitíos son: Green Zone Bio, AC El Dinamo, la llibrería El Monte de la Maga Colibrí, El Café de Macondo, la llibrería La Bona Lletra, el Bello Verano, Indian Café, La llibrería-cafetería La Revoltosa, Café Trisquel, Sidrería Tierra Ástur Poniente, La Vida Alegre, Toma3, Mongasa, Café El Alquimista, Gilda Bar&Dinner, Scaletta 5, Musaeum, Chigre La Plaza, Vor Bier&Chigre, Dindurra Café, Llocal (Espaciu-Tiempu) Laboca Asociación Cultural, El Patio de la Favorita, Plaza Doze, Jazz café, Paramo Bar, Cafetón, El Candil, Manray Café, El Paralelo Gastrobar, La Tabacalera, Teo Vinatería, La Tonada (Guía), y Zephyr.
Na modalidá “Cai” foron escoyíos los siguientes artistes: Javi Pinacho, Autumn Bluebird, Noemi Miranda y David Brea, Susana Sors, Plácidos Domingos, Time is an ocean, Según se mire, Agrupación Musical Charanga Picante, Rosa María Mieres Velilla, Ailen y María, Begin, Vientu del Norte, Clarinomio, Gloria RD Band, Corcuspin, Viajeros del Swing, La Malquerida, Black Figgs Jazz, Improviso, Isabel Muñiz Blanco y Aiax.
Les cais y llugares públicos incluyios nel proyeutu son Plaza San Miguel, Paséu de Begoña, Plaza Italia, Parque Fábrica del gas, Plaza l’Istitutu, Cai La Mercé, Plaza Monte de Piedá, Ruta los Vinos (Begoña, Bon Sucesu, Santa Llucía, Santa Rosa), Plaza d’Europa, Plaza 6 d’Agostu, Plaza de La Corrada, Plaza Tabacalera (Arturo Arias), Plaza Xovellanos, Plaza de la Soledá (Casa’l Chinu), Plaza’l Marqués, Plaza Florencio Rodríguez, Campinos de Begoña, Plaza la Habana, El Rastru (siempres onde indique la policía local), Parque del Lloredal, Avda. Constitución con Picurriellu, y Avda. Gaspar García Llaviana ( Neñu Xesús y Avda. del Llanu).
Redaición InfoAsturies
This work is licensed under a Creative Commons Attribution 4.0 International License.
