La solidaridá col pueblu catalán dende Asturies escontra la represión del Estáu español dexóse sentir otra vuelta nes cais d’Uviéu, onde ayer tardi tuvo llugar una concentración pola llibertá de les preses y presos políticos y pol retornu llibre de los obligaos a fuxir  pola ofensiva político-xudicial del estáu español

La concentración foi convocada d’urxencia ente la enésima ofensiva xudicial, policial y política del estáu escontra representantes escoyios democráticamente en Catalunya, deteníos o forciaos al esiliu, pero tamién se reclamó nella el fin de “la dictadura del 155” ya’l fin de la llei mordaza y de los retayos a los drechos sociales, “qu’enycarcela y reprime cualquier protesta social: tuiteros/es, raperos, sindicalistes, feministes…. mentanto’l gobiernu indulta a corruptos y dexa llibres a conderagos por robar lo de toes”

Los organizaores d’esta concentración, Asturies pol Drechu a Decidir, faen un llamáu a siguir atentes a les convocatories pa organízanos y siguir movilizándose’n sofitu al pueblu catalán, pola puesta en llibertá de los presos políticos en tol estáu, pola vuelta de les exiliaes, pola democracia y el drechu a decidir de los pueblos, escontra la corrupción, la falta de democracia y la represión. “Porque güei van a poles catalanes pero mañana van dir escontra cualquier tipu d’oposición o protesta social.”

Nuria Prendes

This work is licensed under a Creative Commons Attribution 4.0 International License.