Les alloriantes declaraciones de Pablo González prevocaron la roxura del representante de la PAH d’Asturies, presente na sala pa defender una nueva llei que frene’l problema habitacional
Énte les declaraciones del representante del PP Pablo González, negando la esistencia de desfiucios nel estáu y l’evidente problema de falta de vivienda n’Asturies, a los representantes de la PAH Asturies foi-yos imposible caltenese’n silenciu “Nun díbemos quedar callaos énte los miles de families que perdieron la so casa y tienen una delda pa tola vida, nun díbemos callar pelos miles de suicidios qu’hubo nesti país. Nun pensábamos pasar más una mentira de los que trabayen pa la banca ya’l capital” desplicaba Miguel Ángel García, quien conoz bien de cerca la problemática de la vivienda nel nuesu país, depués de cuasi 7 años de llucha por una vradera llei que protexa al ciudadanu nun derechu fundamental como ye’l drechu a la vivienda.
Primeramente’l voceru de la Plataforma d’Afeutaos pola Hipoteca, interviniera nel Plenu pa reclamar cambeos normativos que garanticen l’acesu a la vivienda y que tengan en considerancia la situación económica y familiar de los afeutaos nos casos de desfiucios, tantu p’aquellos producíos pol impagu de la hipoteca como nos d’arriendu.
Énte los glayíos de “de vergoña” colos que se recibieron les mentires de Pablo González, l’Alcaldesa de Xixón non solo espulsó de la sala a Miguel García, sinón qu’en posteriores declaraciones a la prensa equiparó la intervención en defensa de los desallugaos colos actos violentos protagonizaos polos Ultra Boys.
This work is licensed under a Creative Commons Attribution 4.0 International License.
