Los díes 22, 23 y 24 tarán dedicaos a actividaes, charres y alderiques alrodiu de la situación y los drechos humanos de les persones abellugaes

Seique l’actu d’inaguración del XI Alcuentru Solidariu de Castrillón nun tendrá llugar fasta les seis y media del díe 22, con una intervención a cargu de Dª Gimena Llamedo (Direutora de l’Axencia Asturiana de cooperación) pa entós ya llevarán media hora abiertos los puestos del mercaín solidariu, la reciella tará participando n’animación preparao pa ellos nel Rincón Saharaui ya’l mural pintáu en comuña baxo la direición del debuxante Alberto Vázquez García nel  Colexu Públicu Maestro José Luis Rodríguez tará ya entamáu.

Asina  arranca esti alcuentru: con munches ganes y munches coses que facer a lo llargo de tres díes dedicaos n’esclusiva al alderique, la visibilización  ya’l camientu alrodiu los drechos humanos ya’l so incumplimientu, seique cientraos namás cientraos na xente qu’aporta a Asturies dende fuera.
A les siete, el mesmu vienres, tendrá llugar la primer  mesa reonda: “La integración de persones inmigrantes y abellugaes na nuesa contorna. Programa d’acoyida”, cientrándose nes actuaciones específiques no que cinca a salú ya emplegu. Nella participarán persones implicaes en programes d’acoyida, integracion ya inserción llaboral d’estremaes asociaciones o beneficiarios de los mesmos.

El sábadu tornará a ser l’animación pa la reciella la qu’entame’l díe, con xuegos na Plaza d’Europa ya un taller de cómic a la una, nel Valey. Tamién a la una tendrá llugar una representación teatral cola obra “Denguna tierra ye de nueso”, a cargu del grupu teatro “La Máscara”.

A les cinco continuaráse col mural entamáu’l díe anantia y la reciella siguirá teniendo xuegos entantu los adultos enfrenten, de magar les 18:30, la cuestión de  “La Educación pal desendolcu”, abordando estremaos temes, como
“Deprendizaje en serviciu sobre inmigración y drechos humanos na universidá” y “Educación pa la cooperación ya’l desendolcu na ensiñanza secundaria”.
El domingu remataráse’l mural y continuará l’arruelu pa los más piqueños entantu s’aborda la mesa d’alderique “Vivencies”, nes que dellos inmigrantes relatarán les sos esperiencies. A les tres tendrá llugar l’actu de clausura.

Nuria Prendes

This work is licensed under a Creative Commons Attribution 4.0 International License.