El domingu 24 de xunu, el Xardín Botánicu Atlánticu de Xixón entama una gran folixa pa dar la bienvenida al branu na que la nuesa vecina Francia, y los venceyos que mos xunen nel contestu la botánica, la gastronomía y la cultura, van ser los grandes protagonistes del díe y les actividaes programaes
El programa, que cunta col sofitu de l’Alianza Francesa, inclúi un abanicu ampliu d’actividaes pa tolos públicos: visites guiaes, una prestosa yincana, talleres, charres y presentaciones, música en direuto, danza y una competición de petanca. Esi mesmu díe va cellebrase la entrega de premios del Concursu de Torna de Poesía Alianza Francesa Xixón 2018.
Arriendes d’ello, a les 13h, Sameh Safty (cónsul de Francia en Bilbao) y representantes de l’Alianza Francesa de Xixón participen na llantadura d’un exemplar de Magnolia x soulangeana nel Xardín de la Isla. Esti pequeñu árbol de unos cinco metros ye un híbridu de dos especies de magnolies y nómase asina por Pierre Magnol, botánicu’l sieglu XVIII, y al semador francés Soulange-Bodin.
Redaición InfoAsturies
This work is licensed under a Creative Commons Attribution 4.0 International License.
