Pesi llevar 35 años cellebrándose y de ser una de les nueches celtes más importantes y con más raigañu d’Asturies, la TPA enxamás nun se interesó pol eventu

La organización de la Noite Celta de Porcía, que cellebró la so trentaicincoava edición esti sábadu 25 d’agostu, informa á TPA, igual qu’a outros medios de comunicación, de la cellebración de cada edición de la Noite Celta de Porcía.

Sicasí, la televisión pública asturiana enxamás nun se punxo en contautu con esta organización nin apaeció como noticia, nin se fizo visita, mención, entrevista o reportaxe sobre la Noite Celta de Porcía nin nengún eventu venceyáu a ella.

Pa los organizadores esto ye una actitú de desdén faza un eventu cultural singular, relevante y continuao durante 35 años que costituye una discriminación, seique consideren que “nun precisa, afortunadamente, a presencia da TPA pra informar nin consolidar este evento“.