La capital encabeza’l ranking de polución por partícules, causa del fallecimientu de miles de persones

Según una investigación del Institutu Carlos III de Salú, espublizada na revista “Environmental Pollution”, acordies colos datos de la Organización Mundial de la Salú (OMS), la contaminación atmosférica nes ciudaes y fasteres rurales de tol mundiu provoca cada añu 3 millones de fallecimientos. Esta mortalidá débese fundamentalmente a la esposición de micropartículas (PM10 y PM2,5), que causen cáncer, cardiopatíes, neumopatíes y tienen efectos negativos sobre la diabetes y el desendolcu neuronal de los neños. Inclusive se-y rellaciona cola muerte fetal.

D’alcuerdo col estudiu, Uviéu ye la segunda ciudá del Estáu español, namás dempués de Santa Cruz de Tenerife, con mayor presencia de micropartículas: una media de 48,2 microgramos per metro cúbicu, con masimos de 137. Amás ye la que más díes (un 44,4%) supera la llende d’emisiones establecíu pola OMS.

Ente los años 2000 y 2009, finaron nel Estáu español pola polución 28.897 persones, contabilizando les causes naturales, respiratories y circulatories. D’esi total, 4.136 fueron asturianes: 2.963 por causes naturales y 1.173 por problemes circulatorios.

This work is licensed under a Creative Commons Attribution 4.0 International License.