Nos 839 manifestamientos de protesta que tuvieron llugar n’Asturies nel añu pasáu, 140 finaron con “incidencies”, mui perriba de la media del estáu. Sin embargo, la prensa nun aveza informar de les mesmes

La estadística, que nun recueye los datos de Catalunya ya’l País Vascu, amuesen qu’ Asturies nun foi con muncho onde más manifestamientos y concentraciones se convocaron (un total de 839 durante 2017, nel décimu puestu del estáu). Sicasí nun hai dubia de que foi el llugar nel que tuvieron llugar más incidencies ya enfrentamientos coles fuercies de seguridá, un total de 150, frente a los 12 altercaos de Madrid y la Comunitat Valenciana, que son les que tan en segundu llugar.

Sicasí, nun ye avezao lleer na prensa asturiano nin español información sobro estos incidentes, callándose sistemáticamente la roxura de les protestes y de la represión policial  nes mesmes, siendo esta postrera bien cimera a la que vimos en Barcelona n’ochobre del añu pasáu, que prevocó protestes a nivel mundial.

Marzu y Mayu foron los meses que más protestes recoyeron, convocaes principalmente por asociaciones ciudadanes, plataformes, comités d’empresa y sindicatos, tando motivaes por cuestiones llaborales, en primer llugar, llingüístiques, en segundu, y ecolóxiques en terceru.

Seique los manifestamientos trescurren polo xeneral de manera pacífica, la presencia d’antidisturbios y la frecuente intervención policial a la fin de les mesmes xenera situaciones de tensión que finen en griesca. Otres incidencies frecuentes son los cortes de tráficu, les barricaes y les pintaes en material urbanu y n’establecimientos financieros demientres el desendolcu de les protestes.

Nuria Prendes

This work is licensed under a Creative Commons Attribution 4.0 International License.