L’esportista llavianés, Héctor Moro, fadrá por completar los 42, 195 Km en menos de 3 hores sobro una cincha correr que va istalase’l domingu 19 de febreru na Sidrería El Requexu
Héctor Moro Díez (La Pola Llaviana, 1980) tien comu oxetivu con estes maratones, doce en total a lo llargo d’esti 2017 (seyes oficiales en Zaragoza, Coruña, Vitoria, Laredo, Llangréu y Donostia y seyes “especiales) ye recladar fondos pa l’asociación cola que lleva collaborando cende l’añu 2012 cuando morrió’l so pá d’esa malura “La mio idega yera tar el díi 19 na maratón de Sevilla pero por xides llaborales yeme imposible acudir asina que-yos propunxe a Coco y Opi, d’El Requexu, el correr la maratón nel so chigre y abriéronme les puertes de par en par”, desplica Héctor Moro. “Ellos ufriéronse a vender camisetes solidaries na sidrería y camenté que podríe torna-yos el sofitu faciendo por completar el retu ellí”.
Héctor Moro, que vien de recibir el Premiu Delfos a los valores humano nel esporte, lleva varies selmanes preparándose pa correr demientres cuasique tres hores sobro una cincha “Tienes que ser perfuerte mentalmente. Nun ye lo mesmo que correr nun espaciu abiertu”, esclaria.
Amás d’a la Sidrería El Requexu, Héctor Moro quier agradecer el sofitu que-y tan prestando Sidre Trabanco, Body Fit Club Rítmica Adagio y les estaciones de serviciu Avia. “El mio copromisu ye donar 500 euros ca vegada que complete una maratón per baxo de tres hores y sé qu’ente toos vamos algamalo”. La Sidrería El Requexu, amás de facilita-y l’espaciu, tienen previsto asitiar buchaques y vender camisetes para recaldar fondos. “Habrá música en direutu y pretendemos que s’avere muncha gente a da-y ánimos a Héctor. La causa merezlo”, siñalan Coco y Opi.
L’hastag # MaratonesvsCáncerInfantil yá escomenzó a “correr” peles redes sociales
This work is licensed under a Creative Commons Attribution 4.0 International License.
