Nel 160 cabudañu de la resistencia de les trabayaores testiles de Nueva York les muyeres del Kurdistán entama la cellebración d’una selmana dedicada a la llucha de les muyeres del mundiu polos sos drechos con una riestra d’actividaes baxo’l llema “La llibertá aportará cola griesca de les muyeres”

Les muyeres son una de les principales bases de la resistencia kurda, con una presencia peremportante en toles estayes de la llucha, dende cultural a l’armada, pasando pola y diplomática, amosando una conciencia política, una capacidá d’aición ya una implicación qu’entá tamos lloñe d’algamar nos países ocidentales.

Tevgera Jinên Azad declara que “Les Muyeres del kurdistán llevamos munchos años lluchando pola igualdá y la llibertá en toles esferes de la vida y nos caberos tiempos llevemos la griesca a una nuea dimensión.  Dende Nusaybin a Kobani, de Diyarbakır a Sinjar a Mahabat; les muyeres tamos costruyendo la llibertá cola nuesa vida” .

La organización aprofita esta convocatoria internacional pa denunciar les decenes de miles de muyeres del Mediu Oeste que son  asesinaes, desplazaes forzosamente y sesualmente abusaes, “Miles de Yazidi, Shiite, Cristianes, Asiries, Arabes, Kurdes y Turques carecen agresiones sesuales nos ataques de Daesh y son capturaes pa ser vendíes en mercaos d’esclavos. Cara a estos ataques, les muyeres desendolcamos la nuesa propia defensa escontra los agresores”

Destaquen tamién los efeutos del cambiu climáticu nel xorrecimientu de la probitú femenina, la migración forzosa,  la escasez d’emplegu, la falta d’agua y de comida asina comu la falta de voluntá política pa frenar los matrimonios infantiles, ya que la llei actual en Turquía permite incluso’l matrimoniu forzosu pente’l violador y la víctima.

This work is licensed under a Creative Commons Attribution 4.0 International License.