Cuasi col añu 2.017 ñaz InfoAsturies, un proyeutu periodísticu col envís fundamental d’apurrir la información del díi ente díi dende un puntu de vista asturianu, nel que’l nuesu país y la so xente seyan los vraeros protagonistes

Nun podemos escaecer que les noticies de güei son el pasáu del mañana y demientres estes noticies seyan escrites en clave foriata, el nuesu pueblu queda al marxe de la hestoria. De magar güei, gracies a un garrapiellu de periodistes ya escritores que comprendemos esti fechu, Asturies tará presente na actualidá; nes grandes noticies, con una visión qu’enfoque los fechos dende’l nuesu ser, pero tamién nes piqueñes hestories de lo cotidiano que van debuxando la realidá d’un país.

Infoasturies tará disponible n’asturiano y castellán, yá que si bien tenemos pernidio que la llingua asturiana ye la de nueso, somos coscientes de que años de represión sistemática fain que los llectores n’asturianu seyamos minoritarios; poro, albidramos que’l billinguismu ye agora mesmo una condición necesaria p’algamar al conxuntu de la sociedá, faciendo a tolos asturianos partícipes de la so propia hestoria.

Que vos preste.

This work is licensed under a Creative Commons Attribution 4.0 International License.