Los talleres de llectura n’asturianu de Nava acueyen esti xueves, 23 de febreru, na Sala Marta Portal de la Casa la Cultura de Nava, un alcuentru col escritor sierense Sidoro Villa Costales, al rodiu de la so novela ‘A Estaya”
Sidoro Villa Costales (Lieres, 1962) ye maestru d’educación física nel colexu públicu Xentiquina, de Lieres, y tien publicaos otros cinco llibros infantiles y xuveniles. Esta ye la so primer incursión na narrativa p’adultos, y cuenta la historia d’un peculiar apueste ente bebedores de sidra na cuenca’l Nalón a finales de los años 60.
Esta cita enmárcase nel proyeutu “Alcuentros col autor “ dientro’l plan de llectura n’asturianu, que consiste na entrega mensual d’un llibru d’un autor o autora pa la so llectura ya’l posterior alcuentru lliterariu colos mesmos al fin de mes, onde los llectores tienen la posibilidá de comentar col escritor los detalles de la obra, plantegando cualesquier dubia.
Estos talleres, que tienen l’envís d’afalar el vezu de la llectura en llingua asturiana y promocionar los nuesos autores, son de baldre y van pasando yá por dellos conceyos. Nesta ocasión Nava sedrá la sede d’estos alcuentros.
This work is licensed under a Creative Commons Attribution 4.0 International License.
