La Plataforma Asturies por un Aire Sanu y la Plataforma Escontra la Contaminación de Xixón convoquen esti llunes una concentración escontra l’intentu de llegalizar la regasificadora del Musel

Mañana, llunes seyes de marzu, de magar les cuatro y media la tardi, los ciudadanos afeutaos pol escesu de contaminación na fastera central d’Asturies aconceyarán delantre l’Ayuntamientu de Xixón p’amosar la so refuga al intentu de llegalización de la regasificadora d’El Musel, istalación que, arriendes de la so pelligrosidá, costituiría una fonte más de contaminación pa una zona que ya sobrepasa les llendes de contaminación aceutables pa la salú, acordies la OMS.

La Plataforma Asturies por un Aire Sanu ta compuesta de momento por afeutaos pola contaminación de 9 conceyos asturianos : Xixón, Uviéu, Avilés, Corvera, Castrillón, Carreño, Gozón, Sieru, y les Regueres, seique ye posible que se vaigan xuniendo nueos conceyos col envís de trabayar p’amenorgar la contaminación del aire ante la pasividá del “Principado” .

Pa más información sol problema de la contaminación n’Asturies, lleer la Piqueña guía de contaminantes atmosféricos.

This work is licensed under a Creative Commons Attribution 4.0 International License.