El xueves 9 de marzu, a les 19:00 hores nel salón d’actos del Antiguu Institutu de Xixón, el Colexu de Sociólogos y Politólogos del Principáu d’Asturies y l’Asociación Asturiana de Socioloxía entamen una mesa reonda sol títulu “Diversidá del movimientu feminista y los sos desafíos de futuru”

Nesti alderique van participar Eva Irazu, activista de la Plataforma Feminista d’Asturies; y Esquité Fernández, coordinador de la Área de transexuales de XEGA; Janaina Strunzak, historiadora y activista del Movimientu Ensin Tierra de Brasil; y María Rodríguez, doctorá en Xenéru y Diversidá pola Universidá d’Uviéu. Va Moderar Sandra Losada, socióloga.

Cola organización d’esta mesa pretende tomase nota del alderique que se produz nel interior del movimientu feminista y les sos reivindicaciones polítiques.

Al traviés de la representación nesta mesa de persones espertes y representantes del Feminismu queer, del Trasfeminismu, del Feminismu llatinoamericanu y de la Plataforma Feminista d’Asturies, pretende dase cabida a una pequena amuesa de la diversidá del discursu feminista. Estes y otres aportaciones tán modificando l’alderique nel interior mesmu del movimientu feminista y collo marcando enclinos y retos de la sociedá futura. Afondar na conocencia d’esti discursu va dexar una meyor conocencia, nestos términos, de la sociedá actual.

Estes y otres cuestiones van ser abordaes al traviés de la participación de persones espertes y representantes del Feminismu queer, del Transfeminismu, del Feminismu llatinoamericanu y de la Plataforma Feminista d’Asturies, que cola so presencia van dar cuenta de la pluralidá del discursu feminista y los sos desafíos de futuru.

Esti alderique tien la so influencia na axenda política, marcando nuevos retos sociales y enclinos de futuru, Asturies ta trabayando na ellaboración d’una llei Integral Trans promovía poles reivindicaciones del movimientu LGTB ya’l feminismu trans,daqué totalmente impensable fasta va pocu.

Nel ámbetu individual, la tema personal de la identidá de xéneru entró na esfera pública. Nueves formes de representación y de sentir el xéneru faen la so apaición y cada vez son más les persones que nun se sienten identificaes con masculín o femenín. Términos como queer, xéneru non binariu, xéneru fluyíu, cisxéneru y un ampliu abanicu d’espresiones tán revolucionando conceutos y formes de representación individual en sociedá.

Per otru llau, el feminismu poscolonial da cuenta de les reivindicaciones de grupos que nun se sienten representaos col feminismu tradicional, al qu’acusen de lluchar polos intereses d’una pequeña parte de la sociedá, la muyer blanca occidental heterosesual.

This work is licensed under a Creative Commons Attribution 4.0 International License.