El llunes entamó la Selmana de la Muyer convocada pol TJA; les reaciones oficiales nun se faen esperar y cuéntase con que la represión continúe a lo llargo de los actos convocaos pa tola selmana
Na ciudá d’Urfa, tres de la detención de la marcha pacífica por parte de la policía, delles muyeres, incluyendo la parlamentaria del Partíu Democráticu del Pueblu (HDP) Dilek Öcalan insistieron en continuar cola manifestación, lo que prevocó la inmediata y violenta actuación policial. 23 muyeres, incluyendo dirixentes del HDP, DBP (Partíu Democráticu Rexonal) foron deteníes.
Na marcha per Estambul dellos miembros del Movimientu Muyeres Llibres (TJA) foron deteníes por llevar semeyes de presos del HDP y del políticu kurdu Sakine Cansız.

Sicasí, los actos continuarán comu taben previsto y nos mesmos lleeránse comunicaos de delles organizaciones de tol mundiu, pente elles, la declaración de la responsable de la Estaya de la Muyer d’Andecha Astur, Sonia González, na que reconoz la semeyanza pente les lluches nes dos naciones. “ Tola mio almiración y apoyu nes lluches (como muyeres y como pertenecientes a una nación primía) que compartimos.”
El mensaxe de les muyeres kurdes algama alto y claro a toles muyeres del mundiu “Tenemos que dicir NON, tenemos que glayar NON, con tolos nuesos collores, con toles nueses voces aullando NON peles cais escontra la esclavitú que la mentalidá masculina impón”.

This work is licensed under a Creative Commons Attribution 4.0 International License.