Desixen que la concesión de viviendes d’emerxencia social seya efeutiva y denuncien  que los desfiuciaos del conceyu queden atevavana

Ante la situación que se vive nel conceyu de Xixón, colos desfiucios d’arriendu en precariu y los desallugos por usurpación, un grupu de 15 persones de la Plataforma d’Afeutaos pola hipoteca pasaron ayeri tres hores zarraos na Oficina de Vivienda de Xixón, d’onde solo salieron cola promesa d’una xunta pa tratar la tema que tendría de celebrase güei mesmu, seique representantes de la PAH yá informen de que, pol momentu, la mesma nun ta teniendo llugar nos términos apautaos, ya que los representantes políticos que teníen de tar nella nun acudieron a la hora alcordada.

Lo que reclamen ye’l cumplimientu del decretu d’axudicación de viviendes d’emerxencia social “Nun podemos dexar que continue’l  tratu denigrante que se-yos da a los cientos de families, munches con menores, que ven cómo ante un desallugu d’arriendu, precariu o usurpación son destinaos a una “bolsa de vivienda d’emerxencia” social en cuenta d’aplicar el decretu d’axudicación como faen otros conceyos, criminalizándolos pola so situación ensin da-yos una alternativa habitacional y llevándolos a una esclusión social.”

Tamién denuncien que la Oficina de la Vivienda niega a les persones el drechu a dir acompañaes a les entrevistes coles sos trabayadores sociales, complicando’l llabor d’asesoramientu a les mesmes y xenerando un estáu d’indefensión ante los abusos alministrativos.

Amás de les evidentes consecuencies económiques, estes situaciones tán llevando a les families a carecer cuadros médicos d’estrés, ansiedá y depresión que podríen evitase con una xestión afayadiza de los recursos disponibles.

This work is licensed under a Creative Commons Attribution 4.0 International License.