Ente’l 31 de marzu y 1 d’abril van tener llugar les xornaes feministes “Texendo Redes” entamaes pol Movimientu Democráticu de Muyeres (MDM Asturies) nel Edificiu Históricu de la Universidá d’Uviéu
Van entamar el vienres 31 de marzu cola mesa redonda que da nome a les xornaes, “Texendo Redes. Les distintes lluches feministes” cola participación de Paloma Escobar, – Presidenta de Kellys Unión Asturies- , Basant Kamal que ye Doctoranda n’Investigaciones Humanístiques de la Universidá d’Uviéu, Bea Morais representando al frente Feminista Uniovi y Fatimetu Bechri Kori, Presidenta Comunidá Saharagüi Asturies (COSARA). Nesta mesa van aldericase sobre temes comunes a los estremaos movimientos feministes y van plantegase los nuevos retos nel ámbetu de la llucha polos drechos de les muyeres.
El sábadu va falase de “El patriarcáu, tratar y l’esplotación de muyeres” Teré Mollá, funcionaria Generalitat Valenciana, formadora n’igualdá y prevención de violencies machistes y la profesora titular de Derechu Romanu, Universidá d’Uviéu -Isabel Núñez,
Les xornaes van rematar con un alderique alrodiu les posibles actuaciones ante situaciones de discriminación por sesu “¿Cómo faemos frente a les violencies machistes?” . Nésti van participar l’abogada especializada en temes d’igualdá y violencia de xéneru, Victoria Carbajal y Paz Rodríguez, compañera del MDM y representante de l’Asociación “Carla Vive”.
This work is licensed under a Creative Commons Attribution 4.0 International License.
