L’autonomía kurda integrada n’Iraq crea una comisión con esi fin

El Gobiernu Rexonal de Kurdistán (KRG) anunció la creación d’una comisión col oxetivu de documentar tolos delitos perpetaos pola secta terrorista autodenomada Estáu Islámicu contra la comunidá yazidí, una importante minoría étnico-relixosa del pueblu kurdu, col fin de sofitar a que éstos seyan reconocíos como xenocidiu.

Yá en xunu de 2016 dellos investigadores de la ONU señalaron que la persecución d’Estáu Islámicu contra los yazidíes en Siria ya Iraq entraba dientro de la categoría de xenocidiu al buscar la destrucción d’esta comunidá de 400.000 persones al traviés d’asesinatos, esclavitú sexual y otros crímenes.

El yazidismo ye una relixón sincretista que combina vieyos mitos preislámicos, cercanos al zoroastrismu persa, cola versión sufí del Islam.

This work is licensed under a Creative Commons Attribution 4.0 International License.