Tres la decisión del Parllamentu de Navarra y les entrugues de Bildu nel Congresu

A pidimientu del Partíu Carlista d’Euskal Herria (EKA), tres la celebración na primavera pasada del 40º aniversariu de los asesinatos de Montejurra 76, el Parllamentu de Navarra decidió solicitar la desclasificación de tola documentación referente a aquellos fechos que se guarda nos archivos del Estáu español. Esti alcuerdu tuvo sofitáu por tolos partíos políticos con representación nesi órganu parllamentariu, cola única esceición del Partíu Popular.

La diputada Marian Beitialarrangoitia, d’EH Bildu, treslladó delles entrugues al Gobiernu español, que controla’l Partíu Popular, como «¿Piensa actuar pa facer cumplir el pidimientu del Gobiernu de Navarra?, «¿Qué ta faciendo o va facer pa ello?» o «¿Cuál ye’l problema p’acceder a esi pidimientu?»

El Gobiernu español na so reciente rempuesta manifestó que los documentos clasificaos tan escluyíos de la consulta pública y que namás el Conseyu de Ministros tien potestá de desclasificalos.

This work is licensed under a Creative Commons Attribution 4.0 International License.